යීබෝ වෙනුවෙන් කටයුතු කරන ශ්‍රී ලාංකීය රසිකයන්
Wang Yibo චීනය තුළ ඔහු පිළිබඳ නොදන්නා අයෙකු සොයාගන්නටත් නොහැකි තරම්. ඔහු නර්තන ශිල්පියෙක්, රංගන ශිල්පියෙක්, ගායකයෙක් ඒ වගේම ඔහු යතුරුපැදි ධාවකයෙක්. ඒ සියල්ලටමත් වඩා ඔහු හොඳ හදවතක් ඇති අයෙක්.
1997 වර්ශයේ අගෝස්තු මස 5 වෙනිදා චීනයේ Henan හි Luoyang නගරයේ උපත ලබනවා. 2014 වර්ෂයේදි චීන කොරියානු සංගීත කණ්ඩායමක් වෙන Uniq සාමාජිකයෙකු ලෙසින් කලා ලොවට පිවිසි ඔහු 2016 වසරේදි Day Day Up නම් වූ වැඩසටහනත් සමඟින් නිවේදකයෙකු බවට පත් වෙනවා. MBA Partners සමඟින් රංගන දිවිය ආරම්භ කරන යීබෝ Gank Your Heart, Love Actually, Legend of Fei, Luoyang, සේම විකාශය වී වසර කිහිපයක් ගෙවුණත් තවමත් සම්මානයන්ට පාත්‍ර වන The Untamed වැනි නිර්මාණ රැසකට රංගනයෙන් දායක වී තිබෙනවා. 2017 දී Fire ගීතය සමඟින් තමන්ගේම සංගීත ගමන් මඟක් ආරම්භ කරන යීබෝ Street Dance of China තෙවන හා සිව්වන අදියර දෙකේම ජයග්‍රාහී පුහුණුකරුවා බවට පත් වුණා. 2019 වසරේ වෘත්තිමය වශයෙන් යතුරුපැදි ධාවනයට පිවිසෙන යීබෝ 2022 වර්ශයේ Nubia Magazine මගින් පැවැත්වූ ලොව කඩවසම් මිනිසා තරඟයේ තුන්වෙනි ස්ථානය හිමිකරගනු ලැබුවා.
යීබෝ වෙනුවෙන් කටයුතු කරන ලාංකීකය රසිකයන් සමුහයක් මගින් එහි ශ්‍රී ලාංකීය නියෝජනය සටහන් කරමින් සාමාජිකයන් 500කට වැඩි රසික පිරිසක් මගින් මේ මස 5 වෙනිදාට යෙදුනූ යීබෝගේ 25 වන උපන් දිනය බත්තරමුල්ල දියත උයන පරිශ්‍රයේදි සමරනු ලැබුවා. මීට පෙරත් පෙබරවාරි මාසයේදී ඔවුන් විසින් ව්‍යාපෘතියක් ලෙස රාගම ප්‍රදේශයේ වැඩිහිටි නිවාසයකට වියළි ආහාර ප්‍රධානයක් සිදු කරනු ලැබුවා. එහි අවස්ථා කිහිපයක්….
